0
0 0
مُناجاة!

يا اكتئابي ..
ما هداك الله تخلّي لي اللي احبهم !؟
ياخي والله هم زهابي ؛
عادي اخنق صوت صدري
واقلق انفاسي , بكيفك
زد عذابي
وش اسوّي بك !
تمون وعِشرَه اكثر من صِحِابي
غصب عني اقبل اذِيتِك
بس لا تأذِّي اللي احبهم
اجلس بـ صدري .. ترّبع
الطريق طوووويل وما يقصّر سرابي
خلّهم عنّك / تنحّى
لا اجوا يمّي .. ترى صدري مكاني!
مو مكانك
كلها لحظات اصلاً
عقبها يروحون , وانت تعود ثاني
آآآخ منك يا اناني :(

ما بقى حولي من اللي احب واحد
غادروني ،، وكلّه منّك
حتّى نفسي ' ما اطيق ولا تطيق
وودها روحي تغادرني واغادرها
ولا ادري
من هو المجني عليه
ومين جاني!!
ياخي ارحمني كفاني
والله عفت ضلوع صدري
ورعشة قليبي
وقلق راسي وتفكيره ونفسي الي تعاني
انت مو ناوي تروح !؟
ياخي يكفيني متاهات وجروح
ودي اضحك ؛ نفسي اضحك
دووون ما ادفع ثمن ضحكي لـ / ليالي
سنيييييين نوح !
اووووف منك يا اكتئابي
زين .. خلني آنا اللي اروح
وباخذك وياي عادي
انت من مدّه تلح
انت من مدّه تحد
وانت من مدّه تنادي
هاه وش رايك .. نروووح !؟
،،
ما بقى اصلاً حد غيرك
انا اصادقهم جميع
صح قليل اصحاب اعرف
بس والله اني صديق
ومو ضروري كل احبابي بشر!
انا حتى للجماد
وكل خلق الله رفيق
وانت انت الباقي بصدري
على طووول الطريق
ما بقى غيرك يمدّلي الايادي
وكل فرح يمّد يدّه
انت له دايم تعيق !!
والله انك ححححيل اناني
ياخي صدري .. اصلاً مكاني
مو مكانك
ياااخي هدّيته كياني
-كل لوون في دنيتي ألمحه
واستانس طيوفه
وابتهج لحظة اشوفه
واعجز اطريها وصوفه-
انت كل الووان هالدنيا
بنظر عيني ~ تخلّيها الرمادي !

فجأه تستلعن وترجع
وتفّنن بالاذّيه
والاذّيه والله ماهي بس ليّه
كل شي احب تلحقه الاذيّه
حتى تسهيدي ورقادي !
ياااخي وجه الله روووح
محتسِب اجري على الله فيك
لكنّي اعااااني
يا اكتئابي .. حل عن نفسي
ابي اعيشه شبابي
ماخذيت كفايتك منّي !/ شتبي اكثر !؟
كثر ضيقي و تعقيدة لساني !؟
ليه ما تصبح حيادي !؟
لا مع الفرحه / تطيير
ولا مع الاحزان / سادي
متزّن يعني , وعادي ..
ياخي والله ما يصير
حححيل اهلكته -فؤادي
تعصره بيديك - يتألم
واتألم واتعب
جعلها للكسر هذيك الايادي

_________

ابراهيم .
نشره منذ 7 أشهر
التعليقات
Abdullah m
نشره منذ 7 أشهر

جميلة 🌹

ابراهيم .
نشره منذ 7 أشهر

ممنونك .. روحك الاجمل🌸

الإضطراب النفسي

هو نمط سيكولوجي أو سلوكي ينتج عن الشعور بالضيق أو العجز الذي يصيب الفرد ولا يعد جزءًا من النمو الطبيعي للمهارات العقلية .

الإكتئاب

خليط من الحالات المرضية أو غير المرضية في الإنسان والتي يغلب عليها طابع الحزن.

شارك